മലപ്പുറം ജില്ലയില് വ്യാഴാഴ്ച ആരോഗ്യമേഖലയില് പ്രവര്ത്തിക്കുന്ന 11 പേര്ക്കുള്പ്പടെ 3,300 പേര്ക്ക് കൊവിഡ് സ്ഥിരീകരിച്ചതായി ജില്ലാ മെഡിക്കല് ഓഫിസര് ഡോ. കെ സക്കീന അറിയിച്ചു. 18.65 ശതമാനമാണ് ജില്ലയിലെ ഈ ദിവസത്തെ ടെസ്റ്റ് പോസിറ്റീവിറ്റി നിരക്ക്. 3,232 പേര്ക്ക് രോഗികളുമായി നേരിട്ടുള്ള സമ്പര്ക്കത്തിലൂടെയും 36 പേര്ക്ക് ഉറവിടമറിയാതെയുമാണ് വൈറസ് ബാധയുണ്ടായത്.
കൂടാതെ വിദേശത്ത് നിന്നും ജില്ലയിലെത്തിയ അഞ്ച് പേര്ക്കും ഇതര സംസ്ഥാനത്ത് നിന്നെത്തിയ 16 പേര്ക്കും രോഗബാധ സ്ഥിരീകരിച്ചു. 3,297 പേരാണ് വ്യാഴാഴ്ച രോഗവിമുക്തരായത്. ഇതോടെ ജില്ലയില് കൊവിഡ് ഭേദമായി സാധാരണ ജീവിതത്തിലേക്ക് തിരിച്ചെത്തിയവരുടെ എണ്ണം 4,12,104 ആയി. 1,720 പേരാണ് ജില്ലയില് കൊവിഡ് ബാധിതരായി മരിച്ചത്.
69,460 പേര് ഇപ്പോള് ജില്ലയില് നിരീക്ഷണത്തിലും 30,411 പേര് ചികിത്സയിലുമാണുള്ളത്. കൊവിഡ് പ്രത്യേക ചികിത്സാ കേന്ദ്രങ്ങളായ ആശുപത്രികളില് 798 പേരും കൊവിഡ് ഫസ്റ്റ് ലൈന് ട്രീറ്റ്മെന്റ് സെന്ററുകളില് 403 പേരും 161 പേര് കൊവിഡ് സെക്കന്ഡ് ലൈന് ട്രീറ്റ്മെന്റ് സെന്ററുകളിലുമാണ്.
തദ്ദേശഭരണ സ്ഥാപനങ്ങള്ക്കു കീഴിലുള്ള പ്രത്യേക താമസ കേന്ദ്രങ്ങളായ ഡൊമിസിലിയറി കെയര് സെന്ററുളില് 427 പേരും ശേഷിക്കുന്നവര് വീടുകളിലും മറ്റുമായും നിരീക്ഷണത്തില് കഴിയുന്നു.രോഗ വ്യാപനം തടയാനുള്ള പ്രവര്ത്തനങ്ങളോട് പൊതുജനങ്ങള് പൂര്ണ്ണമായും സഹകരിക്കണമെന്ന് ജില്ലാ മെഡിക്കല് ഓഫിസര് ഡോ. കെ സക്കീന അഭ്യര്ത്ഥിച്ചു.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here