പ്രയാഗ്രാജില് നടക്കുന്ന മഹാകുംഭമേളയില് നടന് പ്രകാശ് രാജ് പങ്കെടുക്കുന്ന നിർമിത ബുദ്ധി ഉപയോഗിച്ച് തയാറാക്കിയ വ്യാജചിത്രം പ്രചരിപ്പിച്ച സംഭവത്തില് പോലീസ് കേസെടുത്തു. കന്നഡ സിനിമാ നിര്മാതാവ് പ്രശാന്ത് സാംബര്ഗിക്കെതിരെ പ്രകാശ് രാജ് മൈസൂരു ലക്ഷ്മിപുരം പൊലീസില് നല്കിയ പരാതിയിലാണ് കേസ്. മൈസൂരു സിറ്റി പൊലീസ് കമ്മീഷണര് സീമ ലട്കറുമായി പ്രകാശ് രാജ് സ്റ്റേഷനിലെത്തി പരാതി സംബന്ധിച്ച വിവരങ്ങള് ചർച്ച ചെയ്തു.
താൻ മഹാകുംഭ മേളയിൽ പങ്കെടുത്തിട്ടില്ല എന്ന് പ്രകാശ് രാജ് മാധ്യമങ്ങളോട് പറഞ്ഞു. നിര്മിതബുദ്ധി ഉപയോഗിച്ച് വ്യാജചിത്രം നിര്മിച്ചതിനുപിന്നില് പ്രശാന്ത് സാംബര്ഗിയാണെന്നും അദ്ദേഹം മാധ്യമപ്രവര്ത്തകരോട് പ്രതികരിച്ചു.
‘ഞാന് വിശ്വാസിയല്ല. എന്നാല്, ഒരു വിശ്വാസത്തിനോ മതത്തിനോ എതിരല്ല. വിശ്വാസികള്ക്ക് മഹാകുംഭമേള പുണ്യസ്ഥലമാണ്’. രാഷ്ട്രീയാവശ്യങ്ങള്ക്കായി ജനങ്ങളുടെ വിശ്വാസത്തെ ദുരുപയോഗം ചെയ്യാനും തന്നെ മോശമായി ചിത്രീകരിക്കാനുമുള്ള ചിലരുടെ ശ്രമങ്ങള്ക്കെതിരേയാണ് പരാതി നല്കിയതെന്നും അദ്ദേഹം കൂട്ടിച്ചേർത്തു.
NEWS SUMMARY: Police have registered a case against film maker Prashanth Sambargi for sharing an AI-generated fake photo of Prakash Raj at the Maha Kumbh Mela in Prayagraj, with the intent to defame him
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
