അയൽവാസിയെ കത്തികൊണ്ടും കോടാലിക്കൈ കൊണ്ടും ആക്രമിച്ച് ഗുരുതരമായി പരിക്കേൽപ്പിച്ച പ്രതിയെ കൊടുമൺ പോലീസ് അറസ്റ്റ് ചെയ്തു. പന്തളം തെക്കേക്കര പറപ്പെട്ടി എന്ന സ്ഥലത്ത് പുത്തൻവീട്ടിൽ നരേന്ദ്രൻ മകൻ വിനീത് (34) എന്നയാളെയാണ് കൊടുമൺ പോലീസ് അറസ്റ്റ് ചെയ്തത്.
വ്യാഴാഴ്ച വൈകിട്ട് 7 മണിയോടെയാണ് കേസിനാസ്പദമായ സംഭവം ഉണ്ടായത്. പറപ്പട്ടി സ്വദേശിയായ കണ്ടത്തിൽ വീട്ടിൽ സന്തോഷിനെയാണ് വിനീത് കത്തികൊണ്ടും കോടാലികൈ കൊണ്ടും ആക്രമിച്ചത്. സന്തോഷിന്റെ കയ്യിൽ നിന്നും വിനീത് വാങ്ങിയ പണം തിരികെ ചോദിച്ചതിനുള്ള വൈരാഗ്യമാണ് ആക്രമണത്തിന് കാരണം.
Also Read:പവർ പ്ലേയിൽ ഓപ്പണർമാർ കസറി; ഐപിഎല്ലിൽ ബംഗളുരുവിനെതിരെ ഹൈദരാബാദിന് തീ പാറുന്ന തുടക്കം
കൊടുമൺ പോലീസ് ഇൻസ്പെക്ടർ എസ് എച് ഓ ശ്രീലാൽ ചന്ദ്രശേഖരൻ , എസ് ഐ മാരായ ജിനു , അനൂപ് എസ് സി പി ഓ അലക്സ് എന്നിവർ അടങ്ങിയ അന്വേഷണസംഘമാണ് പ്രതിയെ അറസ്റ്റ് ചെയ്തത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
