വിര്യം കുറഞ്ഞ മദ്യ വിൽപ്പനയ്ക്ക് എൽഡിഎഫ് സർക്കാർ അംഗീകാരം നൽകിയെന്ന രേഖകൾ പുറത്ത് എന്ന തരത്തിൽ മീഡിയ വൺ പ്രചരിപ്പിച്ച വാർത്തയ്ക്കെതിരെ എം ബി രാജേഷ്. മൂന്ന് വർഷം മുന്നെ സർക്കാർ തന്നെ ഗസറ്റിൽ ഔദ്യോഗികമായി വിജ്ഞാപനം ചെയ്ത ചട്ടഭേഗഗതിയാണ് ഇപ്പോൾ വലിയ രേഖയായി മീഡിയ വൺ പുറത്ത് വിട്ടിരിക്കുന്നതെന്ന് അദ്ദേഹം ഫേസ്ബുക്കിൽ കുറിച്ചു. വിവരമോ ബോധമോ ഉള്ള ഒരെണ്ണവും ഈ ചാനലിൽ ഇല്ലേ എന്നും അദ്ദേഹം പരിഹസിക്കുന്നു.
ഫേസ്ബുക്ക് പോസ്റ്റിൻ്റെ പൂർണരൂപം
വിവരമോ ബോധമോ ഉള്ള ഒരെണ്ണവും ഈ ചാനലിലില്ലേ?എന്ത് പുറത്തായി എന്നാണ് മീഡിയവൺകാരാ ?2023 ജനുവരി 11ന് സർക്കാർ തന്നെ ഗസറ്റിൽ ഔദ്യോഗികമായി വിജ്ഞാപനം ചെയ്ത ചട്ടഭേദഗതി മൂന്നര കൊല്ലം കഴിഞ്ഞിട്ടിപ്പോൾ പുറത്തായത് മീഡിയാ വൺ കണ്ടുപിടിച്ചുവത്രേ!
ഗസറ്റിൽ നോട്ടിഫൈ ചെയ്ത ഈ രേഖയും കൊണ്ടാണിപ്പോൾ മീഡിയാ വൺ യുറേക്കാ യുറേക്കാ എന്നാർത്തു വിളിച്ച് ‘ആർക്കമിഡീസ് കുളിത്തൊട്ടിലിൽ നിന്ന് ഇറങ്ങി ഓടിയ പരുവത്തിൽ’ഓടുന്നത്.
ഓട്ടത്തിൽ മാത്രമേ ആർക്കമിഡീസുമായി സാമ്യമുള്ളൂ കേട്ടോ
എത്ര തവണയായി ഇവർ തേയുന്നു?എന്നിട്ടും…
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
