പി വി അൻവറിന് ഏകാധിപത്യപരമായ നിലപാടാണെന്ന് ആഞ്ഞടിച്ച് തൃണമുൽ കോൺഗ്രസ് യൂത്ത് കോ ഓർഡിനേറ്റർ സഹീദ് റൂമി. തൃണമൂലുമായുളള ബന്ധം ഉപേക്ഷിച്ചുവെന്നും എൽ ഡി എഫുമായി ചേർന്ന് പ്രവർത്തിക്കുമെന്ന് അദ്ദേഹം വാർത്താ സമ്മേളനത്തിൽ പറഞ്ഞു. പി വി അൻവർ ഏകാധിപത്യപരമായ നിലപാടാണ് സ്വീകരിക്കുന്നത്. പാർട്ടിയിൽ ഒരിക്കലും കൂടിയാലോചന നടത്താറില്ലെന്ന് അദ്ദേഹം പറഞ്ഞു.
ബേപ്പൂരിൽ മൽസരിക്കരുതെന്ന് അൻവറിനോട് ആവശ്യപ്പെട്ടിരുന്നു. അൻവറിനെതിരെ പ്രചാരണത്തിനിറങ്ങുമെന്നും ഫണ്ട് പിരിവിൽ സുതാര്യതയില്ലെന്നും അദ്ദേഹം പറഞ്ഞു. അൻവറിന് പണം വരുന്നത് എവിടെ നിന്നാണെന്നറിയില്ലെന്നും അദ്ദേഹം ആരോപിച്ചു.
അൻവറിന്റെ നിലപാടുകളിൽ പ്രതിഷേധിച്ച് കെ.ടി. അബ്ദുറഹ്മാൻ, പ്രസീദ് ആയിക്കോട് തുടങ്ങിയ പ്രമുഖ നേതാക്കൾ ഇതിനോടകം പാർട്ടി വിട്ടുകഴിഞ്ഞു. ഇനിയും നിരവധി പേർ പാർട്ടി വിടുമെന്നും റൂമി പറഞ്ഞു. ഈ തിരഞ്ഞെടുപ്പോടെ അൻവറിന്റെ രാഷ്ട്രീയ ഭാവി അവസാനിക്കുമെന്നാണ് സൈദ് റൂമി പറയുന്നത്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
